الـــــــنشال

النشال

انت عاوز ايه يا سيدى
انت عاوز ايه يا بيك
انت ماسك ليه فى ايدى
انت مالك عندى شيك
سبنى اسرح يوم عيدىش
بدل ما اخذق لك عنيك
هل انت تعرف انا مين
انا يا ابنى الصول حسين
لو تكلمت تانى بكلمتين
ح ادخلك هنا فى القسم
واسجنك مع المساجين
واعمل لك محضر تحقيق
تقر وتبصم عليه بصم
وفين على ما تروح
النيابة فين
فهمت دلوقت انا مين
انا تحت الامر انا يا باشا
قلبك حلو ما فيه وحاشا
لا معايه تعميرة ولا ماشا
ولا باضرب بانجو
ولا حشيش
يا دوبك حتة بوغاشا
اخذتها من محل الريش
ادفع له تمنها قدامك
وعليها كم بوسة بقشيش
يعنى انت مش حرامى
ولاعمرى يا باشا
ابدا صدق كلامى
واسال اهى الناس قدامى
ما شافوا منى الا سلامى
يعنى هيه جات عليك
ما الكبار سرقوا الملايين
فك الكلابشات من ايديك
وخذ كمان منى جنيهين