انا ابنك يامصر انا منك يامصر انا على ارضك اتربيت واتعلمت انك يابلدى ست كل عصر
انا على قمرك سهران بدندن مواويلى وفى حبك مش حيران لان بااختصار مليش غيرك
رافض السكات والقمع والاستبداد البلد دى لاعزبه ولامجرد لفئه من الفئات واللى بيقولوا
على نفسهم اسياد وخدعاهم مرايه الاوهام بصوت حلم الاجيال بنقولهم السياده لله ثم الشعب
اجمع ولا فى هذا جدال متخافيش يابلاد الحلم مش هيموت طول ماابنك فى الرمق وعايش موجود
اللوحه هتكمل والرسام لسه من فرشته مزهقش والالوان كتيره منها الاحمر دمى
والابيض والبنفسيج حلمى انا واخويا واختى وابن عمى والاصفر تراب شهدائك يابلدى
والاسود مالهوش مكان فى اللوحه لانه مش معايا اصلا فى الالوان اللى قدامى مطروحه
وعندما تنتهى هذه اللوحه هتكون بلادى دائما وابدا مقبره للغزاه تنميه وازدهار
حريه للتعبير والفن والاراء يسودها العدل يغمرها ضمائر الشرفاء فحينها تاتى اجيال بعد اجيال
لتبدع الافكار وتتحدى الصعاب ويفتخروا لكونهم اجيال نشاءوا على حريه وكرامه الانسان